Akèy.
Artourn paz rosèt.
KABRI MASALE.
Komans par koup lo kabri par morso pa tro
gro (si lo foto nou wa apépré), mèt ali kwi
rokouv ali avèk dolo
anviron
in falanz out dwa odési la viyann, lès kwui ziska li lé konplètman rédwi.
Prépar lo bann zépi : koup lo bann zwanyon, tomat, kraz lo sèl, lay piman ansanm.
Kank lo vyann lé byin sèk dann marmit azout apépré in kiyèr èdmi a soup luil
(tounesol), lès lo kari képité inpé ,
azout lo bann zwanyion koupé asnsam lo
bann fèy kaloupilé rousi byin. Kank lo zwanyon fine larg son lo azout
lo zépis
krazé rousi padan 2 minit, azout lo tomat si lo préparasyon
tourné, azout lo masalé. Rokouv dolo lès
rédwi vi ké lo kabri lé kaziman kwi
mèt pa tro dlo zis po rédwi po la sos, tinn lo fé fane lo kotoméli ké zot
la asé dési. Bon apéti!!
Valèr la lé doné po 4
pèrsone i manz moyin.
Na plizir fason prépar kabri masalé ou dotr,kari masalé sèrtin
zingrédyan i san par rapor sèrtin famy. Nou wa fé so roèt la sinpleman
san konplikasyon.
I fo azot po 4 pèrsone konmsala :
1 kg500 kabri (tout morso lé bon sof la tèt sanm la pat<< ipé fé dot kari
ansanm>>).
5 tomat moyin.
Luil,sèl, 5 a 6 piman, lay, kirkimin (domi kiyèr kafé), masalé 4
kiyèr a soup, fèy kaloupilé 25 fèy (pétal), in
bouké kotoméli (koriandr),3 zawnyon moyin.<< na domoun i azout la pat tamarin déléyé dann lo, mé lé pa
oblizé i dépan si zot i zot ipé, alorla in bon kiyèr a soup déléyé dann inpé dolo, zot i azout dann lo dèrnyé
pparti lo rosèt
kank i mèt dolo po fini lo kwison
Kwison :Cuisson.
Moyin : Moyen.
Konmsala :Comme ceci.
Kirkimin : Curcumin.
Rédwi : Réduire.
Vyann : Viande.