Alon koz si bann lo zisyèl la Photoshop

Akèy.

Trètman foto (traitements photos). Aller à formations. Formasyon.

Apré inndé mèl po sat la vizit lo sit, lo bann lo bann zisyèl ké mi itiliz lé la plipar ditan Open Source, é na inndé ké lé péyan. Si lo marsé rénioné lo pri bann lozisyèl lo pri i flanm, si ou vé sat lé bon marsé myévo komann si lo wèb, ou fénir! avann asté na dé vèrsyon bann progranm la lé an vèrsion évaliasyon. konm mi di souvan i vo myé éséyé avan asté.sat mi konsèy azot sé itiliz in maximom bann vèrsiyon évaliasyon po fé la min desi avann asté.

Dann lafèr i dépann kosa zot i kont fé konm trètman po zot zimaz, si sé po zist fé bann ti rotous pa tro konpliké bann sat lé gratwi wa fé lafèr. Si ou asté sat lé sèr é i ansèrv pa sé osi larzan gaspiyé, épi bann lozisyèl i évoli tèlman vit, ké ou pokor konèt tout bann taktik si in program, é in not vèrsyon i sort dann la foulé, sanm inndé laméliorasyon ké la pilpar lo tan i ansèrv pa ou, si ou sé in partikilyé.

Mi travay sanm inndé lozisyèl na sat mwin la asté ét sat lé Open Source.

Si paz la nou wa koz si trètman zimaz. Ou na inndé lé gayard é péyan na zot lékivalan. Lo pli méyèr po mwin sé Photoshop, minm si sanm the Gimp ou fé bonpé gayar zafèr, photo Impact lé pa mové. Po lé zot konm Paint Shop lo dernyé vèrsion lo 11 lé imposibl po mwin testé lo vèrsion ké mwin la télésarzé lé pa bon!

Po ski konsèrne bann trètman nimérik zimaz, tout i dépann osi lo sours si ou na in mové foto, sar pli dir po ratrap lo kou. Si ou fé bann photo i vo myé ké ou na inpé konésans si bann ti trik po prann bann bon foto. Si ou na in bon laparèy é ou giny pa ansèrvi konm i fo sar inpé dir. Koméla si la plipar bann zaparèy foto nimérik na in miz o pwin otomatik, la sé azot war, lé asé pèrforman.

La plipar bann foto fé po sit la, lé fé sanm In laparèy Epson ,lo bann promyé vèrsyon a 3.5M pixel, é Canon Powershot G2, retousé po lo sit sanm PhotoShop, The Gimp.La mazorité bann foto si sit la zimaz té trété sanm Photoshop, The Gimp, PhotoImpact, é sèrtin freewares. A droite promyé photo (pti fy) sanm Epson san é avèk trètman.	san trètèman.	Avèk trèman.
Canon sanm laparèy Powershot G2.Lo bann zénérasyon laparèy foto i évoli osi vit. La kalité in foto i dépann ,komansa li la été fé, na in takon faktèr i zwé, limyèr, lo laparèy li minm, é sirtou awar in sèrtin konésans Foto. Le numérik lé bon par rapor la fasilité, é la rapidité po awar in foto toud-swit.( ou pé tir sa vit fé sanm in bon linprimant. Li na son bon é mové koté dé soz. Na bonpé lozisyèl ké lé Open Source i rivaliz sanm sat lé péyan.	san trètèman.	Avèk trètman.

Rotousé sanm PhotoShop, petite retouche avec Photoshop.

Avan é apré in tètman sanm PhotoShop.foto idantité (suport papyé) ké la été pri 25 an de sa borne Fotomatik(Born toto dann bann léspas piblik).

Le nimérik na son lavantaz, tou konm bann zaparèy tradisyonèl sanm pélikil. Lo nimérik fay kalité i pèrmèt pa zot de fèr, par èkzanmpl bann zagrandisman de bon kalité. Minm fay kalité in laparèy tradisyonèl i donn aou bon rézilta.

Lo foto nimérik lé sans rolyèf,par rapor son kamarad normal.

Mi diré tout foto in moune i fé , sirtou po lo nimérik na touzour bézwin in ti rotous, la plipar lo tan, bann konstriktèr zaparèy foto nimérik, i livr azot lo drivèr (pilot) po transfèr zot bann foto. Si sa na bann lozisyèl rotous kézot i pé ansèrvi vi ké lo lisans lé livré ansanm. Sé bann zansyin lozisyèl ké bann soiyèté la fine tro itilizé ansèr pi azot. In lékanpl konm bann promiyé vèrsion Dreamweaver lé gratwit.

In mo ankor si so lozisyèl, minm si li lé pèrforman, sonm bann kamarad i fé kaziman lo minm zafèr, ansanm inpé mwin zopsyon. In pé pli difisil po fé la min. Li prann in takon forma. Si zot i vé travay in zimaz po fé in diaporama pou bann lékran 16/9eme i donn azot plizir posibilité. Mé tansyon, si zot i vé mont in foto apar lo forma lo sisyèl la i donn azot, bi lo zistwar si lo bann tip pixel ké zot i dwa itilizé.komn dann tout zafèr na dé règl po itilizé. Zot i riska atrouv azot sanm bann zimaz ké lé déformé kank zot wa rogard lo travay zot la fé si gran ékran.
Lo forma 16/9eme 720x576.

Konm po tout bann lozisyèl, i fo touzour pratik in bonpé, o fil lo tan, nou dékouv dot fonksyon, i pèrmèt anou avans pli vit.