Rosèt Larénion, Boulèt la mori rosèt tradisyonèl

BOULET MORU.

Arla in nafèr lé sinpl po fé plito bann moune lontan té fé sa souvan.

zordizour lamori lé pli sèr ké la viyann, so pwason lontan domoun lavé ont di zot té fé kwi
Sé inpé konm zakra Antiyé.

Konm dann tout rosèt sakinn i pé mèt sèrtin zépis swivan zot gou.

Arla lo bann zingédian:

Po 5 manzèr ifo:

1 kilo pome de tèr
300g mori
Sèl, pwavr, zwanion vèr, 2,gous lay, i gro zwanion.( po sat i vé zot i pé azout osi inpé pèrsi)
Lwil po fritir.
Lafarine.
1 Zèf.

Po komansé ,fé désal lo mori dann in gran kantité dolo o mwin 2 èr, ou fé bouy po fé désalé. fé bouy lo bann pome de tèr èk la po, apréla plisé kazé dann in saladiyé.

Nétway zot mori éfil ali anlèv bann zarèt.

Kraz zot lay sanm lo sèl, as zot zwanion.

Fé ronir lo mori sanm lo zwanion lay sèl pwavr dann in poilon (poêle).

Azout zout dann lo pome de tèr, apréla azout in ti paké zwanion vèr asé fin , azout lo zèf antyé la farine (50 g environ) é biyn mélanzé.

Fé bann boulèt dann zot min po a i kol dann la min pas zot min dann inpé la farine o fir a mézir zot i fé frit.

border="0"
Pome= pomme.
Fritir=friture.
Mori=morue.
Nétway=nettoyé
Zèf=oeuf.
Komansé=commencer.
Kol=Colle.
Sanm= ensemble.
Bann=avec