Akèy.
Artourn paz rosèt.   

Arla inn dé kari lo plièr isi Larénion, mi parl pa zot bisik linportasyon, sat i vann konzélé
dann sipèr marsé mé sat lé fré antr 20,30,40 € lo kilo.
Konm ki diré kan la pwin sanm sat lé fré prann konzélé,la pwin la kalité sak la viynn trapé
mé i pé alé. Antr bisik linportasyon é bisik péi lo gou i sanz podvré.

Parkont sé in kari ké lé ris an grès déza vi sé in pwason i fo ali in bonpé lwil. Sakinn na son manyèr fé so kari la mi done a zot in resèt natir, sinon naa domoune i azout, fèy kat épis,
ou zinzanm... lé akomodé de diféran fason  épila pa tout domoune na lo minm manyèr fé. 

Lo kari i dépan osi i lé fé o bwa ou si lo gaz. Si sit la zot wa trouv bann rosèt lé pa konpliké
po fé.

Bisik 500g:

Tomat: 5 moyin.
Zwanyon: 2 moyin.
Lay: 5 gro gous.
Lotin: 1 brans.
Lwil: 4 kyèr a soup.
Piman: 4 piman martin.
Sèl: 1 ti kyèr kafé apréla i fo azisté po lo gou.
Safran (kirkima): domi ti kyèr kafé

Kraz lo piman, sèl lay (si zot i vé i pé mèt in morso zinzanm).

As lo zwanyon é lo tomat.
Fé in bon sos tomat mèt pa dolo dedan, lès lo sos rédwi de moityé azout lo bisik tourn ali sanm lo sos, mélanz  ali byin ziskatan na lozi la sos