Akèy.
Artourn paz rosèt.

Mi propoz azot la baz po fé bann sos tomat pou rougay, et sèrtin kari
rénioné. la plipar di tan la baz i rès touzour lo minm, sé la manyèr
préparé i sanz. Dann so baz sinpl zot wa pouvoir azout sèrtin zingrédian
zot i inm é sa swivan zot gou.
Po sik konsèrn sèrtin zépis kon pwavr, piman, sèrtin kari ou lé oblizé
swazi inn antr lé dé. Si nou na ti marmay ou domoun i manz pa piman.
Tansyon pangr a sèrtin piman la pa bezwin in ta po fatig out kari, myé
vo dann sètin ka fé in sos piman ou in rougay tomat apar.
Ansanm so baz la nou va pouvoir azout  sèrtin ingrédian (zinzanm,
konbava, lavany...)
biynsir i dépan sat ou vé fé.

Lwil.
Sèl.
Lay.
Pwavr.
Piman.
Zwanyon.
Tomat.
Lotin.

Lo baz li minm:
An rézon i fo azot :
An zénéral po 2 a trwa moune i fo azot 2 kiyèr lwil, in domi kiyèr kafé sèl fin, 3 gous lay, 1 gro zwanyon, 3 gro tomat, lotin.
Kraz zot sèl lay ,pwavr ou piman,(suivn lo sos zot i vé fé), koup lo zwanyon an ti trans pa tro fin,koup lo tomat en morso pa tro gro.
Mèt lo lwil po sofé azout lo zwanyon é lès rousir.
Mèt lotin (si la bezwin dann lo kari).
Azout lo zépis krazé lès pa trop rouzir pars lay i riskab nir amèr, azout lo safran péi.
Mè lo tomat koupé tourn né é kouv lo marmit 1 minit konsala po rékipèr lo lépaorasyon dolo lo tomat. Sifo azout inn ti pé dolo si i mank po fé rédwit lo sos.