Nou romark isi Larénion é dann
bann péi zéropéin in gou po lakol sanm bann zinn, bann kantité lakol i
ogmant dé pli an pli, magré bann lwa mi anplas é logmantasyion lo pri.
Lo bann konsomasyion sé bann zinn de mwin 15 an , malgré bann statistik
plito bon dann sèrtin péi la zone éropéin, la konsomasyion i gomant isi
Larénion.
Lo bann kosomasyion i gomant pli ou mwin dann sèrtin péi, parapor a in takon
zafèr, la pibilsité, bann fim, é osi dann lafamiy sirtou dann bann fèstin.
Konm ki diré i donn inn ti pé po gouté , po lanivèrsèr, batinm, lakominion
apréla lo gou i vyin ti pa ti pa.
Zordi zour, lé vré ké bann zinstitisyion i intèrdi la vant lakol a bann zinn
minèr dann bann komèrs, mé lé rar lé rèspèkté par sèrtin komèrsan. De pli anplis
bann zinn i komans a bwar bonèr isi Larénion.
Po biyn fé konprann azot ké lakol, konm sigarèt sé in drog, in drog ké tout
bann gouvèrnman i otoriz la vant a bann moune mazèr. Malérèzman dann la réalité lé pa
parèy, lé difisil kontrolé si lo térin.
Konsomasiyon lalkol konm sigarèt isi lé pa métrizé, lévré sèrtin komèrsan i
zouyé pa lo zé, mé na osi in sèrtin lédikassiyon po fé sanm bonpé paran, i
lès zot zanfan fé. Bonpé bann zinn i trinn souvan tard dann somin ansanm bann
kamarad dovan laboutik, pli souvan asanm in boutèy lalkol, é kank i rant lé sou,
na okin swivi.
Kank in moune i komans bwar zinn, na plis de sans ké li atrap in siroz, la
diabèt, bann maladi kardiovaskilèr... Bwar kank ou lé zinn sé fé ké out lorganis
i adapt a li a so prodwi 10 fwa pli vit e donk 10 fwa pli de sans ké ou wa
mor zinn.
De pli an plis de moune i mor zinn dann lakol. Kank ou lé zinn, ou la pa ankor
fini out krwasans, out bann sélil pou la mémwar i komans a biyn fonksiyoné é lakol
i détrwui sa. Bwar sé swisid aou inkonsiyaman...
WebMaster
ZORZ
© GEORGES SOUBOU 2007. réseaux
des sites culturels SOUBOU