Akèy. 
Akèy alkol.

Koman èd in moune ansort ali.

Dapré bann sondaz in pé plis dé milyon domoune lé alkolo-dépandan, é inpé plis sink milyon bann domoune i bwar po bwar, sat i vé dir, ké dann nout lantouraz nou koné touzour inn. Na in takon nafèr i rant an zé dann so lalkolism, divors,lamor,traka lamour....Lé pa fasil viv èk in moune alkolik si so paz la nou wa èsèy trouv in solisyon, po in problinm ké lé pa évidan

Konsèy.

In konsèy si ou vé èd in moune lé alkolik, fo arèt di ali, i fo li arèt bwar absoliman. Si ou mèt la présyon li wa défann ali li wa bwar. Po èd ali i fo dabor ké li prann konsyans li minm son problinm, son dépandans tout lo bann zafèr li fé lé pa bon po son lantouraz, po son santé, é ké li poura ansort ali ansanm bann profésyonèl, bann moune i koné lo problinm, sinonsa li poura pa ansort ali.

Nana i koz san konèt lo problinm lakol, kan in moune i koné pa kosa ilé so nafèr, miyé vo pa li koz. Bonpé domoun na in fo lidé dési lakol. Zot i oubli ké sé in maladi é i plézant pa ladsi  << lo boug ou lo fanm lé antrinn swid azot inkonsiyaman,ou volontèrman>>. Si zot lé o kouran lo maladi i konsèrn lakol la zot i pé konsèyé, sinon myévo lè sa po bann profésiyonèl i koné zot métyé.

La plipar lotan lo moune alkolik i artrouv ali tousèl é rozété pa la famy, kamarad tousala, paraport son manyèr sou lanpriz lakol li lé pa fasil a viv.

WebMaster ZORZ
© GEORGES SOUBOU 2007.