Akèy.
Akèy alkol.

Kosa ilé?

Kansa nou pé di in moune lé alkolik? Eské sé parapor la kantité li bwar? Na in takon domoune i bwar in takon san pou otan èt alkolodépandan. Kank in moune lé akolik sé ké li lé amaré sanm lakol é li pé pi sanpasé. So lakolik la bwar pa an gran kantité li lé pa vréman amaré ansanm lo bwason. Po in moune lé alkolo-dépandan sé in nafèr ké li pé pa viv san sé son kamarad. sa i aminn in takon problinm dann son lantouraz li krwa mé triz la sityasyon mé malérèzman lé pa lo ka.

Lalkol sé lalkol kiswa wiski, labyèr, dovin... li na lo minm éfé si lokor domoune, inn ti vèr lorom na minm kantité in vèr labyèr ou in vèr dovin. La plipar domoun i pans ké la kalité i soul pa mé lalkol sé lalkol in pwin sé tou. Et alkolik sé pa solman po domoun lé pov, lo pov kank li la pwin li bwar pa mé lo risk li li bwar toulézour. la pwin pov é la pwin ris kank li sabouk aou li sabouk aou parèy.

<< Kiswa dann la biyèr,dovin wiski ou ninport kèl bwason alkolizé, lalkol sé lalkol li soul parèy, ké ou lé sou ansanm tèl ou tèl lakol ou sra touzour sou parèy. Avèk lalkol ké ou swa ris ou pov ou lé égal!>>

 

 

WebMaster ZORZ
© GEORGES SOUBOU 2007.