Sé osi si son tnmb in takon domoune i viyn fé lo sor, sérémoni tousala sirtou la nwit, sa po doman in gérizon, ou fé lo sor po domoun.
Si foto akoté : an promyé Fontaine sanm in vès blan,dèryèr li Sitane sanm in gran sapo li bès la tèt.
Sitarane (SIMICOUNDZA SIMICOURBA) lé né koté Mozanbik, son famy tinn famy sorsyé é li wa ni li osi in pratikan la mazi noir l'Afrik, li débark Larénion an 1889 li lé angazé par Mésyé Moranz sou lo niméro: 10 8958.Li travay si la tèr lo boug laba koté sin Bénwa. An 1891 li syé èksa. An 1891,li pran lo non Sitarane.Dann lané 1906 li trouv in kamara Sin Anz Gardiyn in
tizanèr, i tourn dann bann kartyé Sin Pir(son non podvré Calendrin).
Lo sèf lété Kalandrin, é Sitarane té fé sak
li té i di de fèr, in trwazyinm konplis té Emanyèl Fontinn, sanm in paké konplis(pli
de dis),téfé lo makinyon sanm lo bann zafèr volé.
Té plito la nwit banna té fé zot
rényon, parla dann lèr minwi lwin la kaz domoun po doman konsèy mové zèspri,lo
zèf té konsil son bann kart po sawar si tou wa biyn spasé. Zot té koup
kolé in kok nwar té bwar lo san. Sakinn zot bann dalon té swiv so rit
avan komans zot krim. Zot té sar dann in landrwa té koni par avans, té sava
protézé par bann zèspri é sanm la poud sitroumounium, ké zot té mèt dann
trou sérir pou andor lo bann moun dann la ka
An1908,zot i kanbriol in boutik Larivyèr sin-Lwi
01 mars
1909 zot i vol 37 kilo lésans zéraniom.
La nwit 19 é 20 mars zot i sava sé Ervé Dèlte,lSitarane i tyé ali sanm 11 kou
kouto.Lo 13 Out sé lo tour bann zépou Robèrt. Bann zépou Leveneur dann lanwit
29 30 sèptanm 1909. Bonpé kaz si si koté Sin-pir èk tanpon té kanbriolé, i
paré ké Kalandrin té fé bwar azot losan lo bann moun mor, po rann azot fort
kont tout zafèr.
Lo 23 mé 1910,lo bann boug lé arété é akizé dovan la kour ziztis sin-Pir.
Lo 27 zyin 1910 i komans lo prosé é lo 13 désanm 1910 vèr 3èr laprémidi, Sitarane sanm Sin Tanz é Fontinn, lé kondané po èt gyotiné.
Lo 20 zyin 1911 Sitarane sanm Fontinn lé gyotiné.
konm par azar lo sorsyé Kalandrin lo sèf sar va fini son vi dann lo bagn
koté la Gwiyane li lé mor an 1937.
Dann tousala sak la spasé bonpé domoun i frékant son tonm,po sérémoni,po doman
in zafèr, zot i di ké sitarane lé in sin pars li la été batizé zis avan son
mor.Sèr in i fé minm in pakt sanm li ziska zot mor, é la plipar lo tan po kontinyé sé lé zanfan
i kontinyé.