Akèy. Artourn si paz rosèt



Kari pwason.


Po  4 bon manzèr.
I fo 1kg pwason.
Sel, lay, 2 gro zwanyon, 1 moso zinzanm pa tro gro, 5 zwaso piman , in bon brans lotin, 5 tomat moyin,4 kiyèr a soup lwil, 1 kiyèr kafé raz safran(kirkimin),

Komans par as zot zépis, koup lo bann zwanyon an morso, kraz lo sèl, piman, lay, zinzanm.
Nétway lo bann pwason koup an morso si lé gro (si sé rouzèt i pé lès antyé.

Komans par prépar in sos tomat, po sa mèt zot marmit dsi d-fé, mèt lo lwil rousi lo zwanyon( rozi ali) , azout lotin sanm lo bann zépis krazé fé pa tro rouzi pars lo lay i riskab nir amèr, mèt lo safran, azout lo tomat lès rédwi la sos. Azout lo bann pwason dann la sos tour de tanzantan tansyon pangar kraz lo bann pwason.

Dann kari pwason i mèt pa dolo, sé sanm son vapèr li kwi (vapèr sou kouvèrtir marmit).
Konm po sak kari lo kont piman, sèl, lay, ki konsèrn lasézonman azot war, si fo azouté.
 
Tansyon pangar zarèt. bon lapéti...  


Kirkimin.
Zwanyon= oignon.
Zinzanm= Gingembre.
Tansyon= Attention.
Pwason= Poisson.
Tanzantan= De temps en temps.
Sos= Sauce.
Amèr= Amère.
Zwazo= Oiseau.
Vapèr= Vapeur