Akèy. Rovnir
si lo paz diabèt.
Rovnir si lo paz akèy.
Po lo kèstyon Spor?
Lo spor lé inportan po lo kor, minm ké ou
lé pa diabétik i fo touzour tourn aou vèr in spor ké ou inm. Sa po plizir
rézon, po antrotiyn out kor, sirtou po prévnir cont bann maladi kardiovaskilèr(
risk kriz kardiak, bann vinn i riskab bousé é la i poz in problinm) lo
spor i protèz aou sirtou si ou na diabèt, li èd a ské lo to dsik dann out
san i bès, li bril bann kalori (la grès, mové kolèstérol, li fé ansort
ké out bann zorgn i fonksyone biyn).
Lo matin , po mwin lé méyèr fé in bon mars a pyé ( in mars rapid) lo matin
po pa tro fatigé, é lo swar in inn ti footing lé pa mal anplis i pèrmèt azot
biyn dormi. Epila zot i pé pratik ninport kèl spor, lésansiyèl sé ké zot i
inm sat zot i fé fo pa sé in korvé pars kan ou fé in nafèr par obligasiyon
lé pa ankourazan. Lo spor sé konm in bon kari i fo aprésiyé, épi lapéti i viyn
an manzan.
WebMaster
ZORZ
Accueil-Home
© GEORGES SOUBOU 2007.