Lalkol
sanm lo fwa.
Tro bwar lakol i zwé in rol inportan si nout bann zorgane si nout manyèr viv.
konm tout bann zorgane lo fwa lé in lorgane lé vital po nout kor, sé li ki
okip transfomasyon bann protéine,bann grès,bann sik,dann koagilasyonlo san,
dégradasyon lakol é sèrtin médikaman.Lépatite alkolik lé in linflamasyon
lo fwa égi, lé di sanm in gran konsamasyon lakol sanm bann akolo-dépandan, é na
osi in risk sanm bann zinn konsomatè lé a risk.
Lépatit alkolik lé mortèl dann dis à karant pour san bann kas,li fé romark
ali, sanm la fièv,
la zonis, la po i dovyin zone, lozyé, pisar doulèr dann lo vantr.La solisyon
sé arèt bwar po awar in sans gérizon.
Siroz lo fwa sé lo dèrnyé stad
lanflamasyon, lo tisi normal lé ranplasé par in sikatris, lo fwa na du mal po
travay.La siroz i pé pa èt géri, mé na in gran laméliorasyon sann la santé in
moun si li arèt la bwason, lo fwa i travay myé. Nou trouv la siroz sanm
bann bivèr a risk non alkolo-dépandan,an partikilyé sanm bann fanm é èk bann
pèrson i port viris lépatite kronik konm lépatite C. Lo sèl romèd
sé linplantasyon lo fwa, é la ankor i fo awar bann fwa lé disponib anpli sanm
bann list latant ké lé long.
