Lalkol ansanm famy.
Lalkol i fé pa bon ménaz si ou lé maryé ou sinon, ou viv ankor
la kaz out Paran. Ou na si ou vé dé sort kalité domoune i bwar inn sat lé konm
i diré an kréol lé konm losat, é sat lé dévèrgrondé i bwar é i fé dézord.
Dann touléka lédé lé pa bon. Dann bonpé d-ka sirtou koméla bonpé koupl i
bwar san vréman prann an kont lo konsékans.
Kank in moune ou in koupl i tonmb dann lalkol sé bann marmay an promyé lyé i
ankès, apré i viyn la famy, bann kamarad. Mi pans ké so fléo lé dir pou bann
sak i bwar, konm po ak i bwar pa. Lo moune alkolik i artrouv ali souvan tousèl
an okin soutyin sanm on famy é son bann zami, par mank zinformasyon sèrtin
olyé édé i préfèr anfons lo lo pèrsone, pourtan défwa zot i wa la soufrans
so bann moune ilé. Wa di lé pa fasil koz sanm in moune i bwar.
Lé vré mé fo pa atann ké li lé sou lanpriz lakol po koz sanm li, in lakolik
na osi inn ti moman répi, épila lokor domoun lé pa lo ros i fo ali detanzantan
ropozé, é sé la ké ou pé koz sanm li. Kank ou koz sanm li lé pa la pinn di
ali i absoliman fé tèl oz ou tèl soz po son santé, mé domann ali si li voudré rankont
in moune i koné sé kwé lakol wa pouwar donn ali in koudmin (po sa na bann asosiyasiyon,
bann santr, é bann doktèr pou sa). i ou vé èd in moune dann so problinm la é ke
ou de tanzantan ou tous inndé ti kou lé pa la pinn donn ali bann konsèy, myé fé konsèy
ali par bann profésiyonèl la santé la nora in sans.
Nou pé dir ak nou vé lakol sé in nafèr i géri pa, mé ou pé mèt ali an somèy,
sé a dir suiv in ou plizir kir dézintoxikasiyon é é pa parsk ou la fé in
kir é ou la resuté ki fo arété. Arèt bwar sé pa sèlman in kèstyon de volonté mé in
kèsyon lantouraz sanm soutyin.
Sak i risk ariv aou ansanm so nafèr la : divors, rotrov aou dann somin, pèrd
out bann marmay, rotrouv san kamarad (sof kamarad lalkol), san travay é in
takon dot soz...
Web Master
ZORZ
© GEORGES SOUBOU 1993-2009.